ලං ලංවෙලා සිතින් මා..

ලං ලංවෙලා සිතින් මා..
හොර රහසේ ගොළු වෙලා..
දැන දැනත් අහිමි බැව්
මා පෙම් කලා...
මේ පාළු ගිම්හානේ..
තනිකමයි මගෙ උරුමේ..
වෙන් වෙන්න බෑ මට පෙම් කල නිසා..

පැහැසර සිනාවෝ අද සුසුම් එවලා..
හොර රහසෙ ගියේ දෝ..
මේ දෑස හඬවාලා..
මේ පාළු ගිම්හානේ..
තනිකමයි මගෙ උරුමේ..
වෙන් වෙන්න බෑ මට පෙම් කල නිසා..

දුප්පත් කතාවෝ ඇති ලයේ රැස්වෙලා..
අහලා බලන්න එවා මතකද ඒවා..
මේ පාළු ගිම්හානේ..
තනිකමයි මගෙ උරුමේ..
වෙන් වෙන්න බෑ මට පෙම් කල නිසා..

ලං ලංවෙලා සිතින් මා...

                                                               - නොයෙල් රාජ් -

සුදු මුදු වැල්ලේ

සුදු මුදු වැල්ලේ සුළඟ හමන්නේ ආදරේ
හිරි පොද වැස්සේ පින්න සලන්නෙත් ආදරේ
දිලි දිලී අහසේ නිවි නිවි රහසේ
මුතු කැ‍ට තරු වැල් අප‍ට කියන්නෙත් ආදරේ //

මල් සුවඳ සොයා බඹරා එනවා
ආදරය සොයා ඔබ ළඟ වෙනවා
සමනල් රෑනේ පියඹා යනවා
මල් ගොමු දැකලා නැවතී යනවා
සෙනෙහේ සුව දේ සැමදා

සුදු මුදු වැල්ලේ...

ලොව සැනසීමයි ලොව නැලවීමයි
ලොව ගැලවීමයි ආදරය තමයි
ඔබ හා එනවා ඔබ හා යනවා
දිවි තියෙන තුරා සිත සැනසෙනවා
සෙනෙහේ සැරදේ සැමදා

සුදු මුදු වැල්ලේ සුළඟ හමන්නේ ආදරේ
හිරි පොද වැස්සේ පින්න සලන්නෙත් ආදරේ
දිලි දිලී අහසේ නිවි නිවි රහසේ
මුතු කැ‍ට තරු වැල් අප‍ට කියන්නෙත් ආදරේ //

මුතු කැ‍ට තරු වැල් අප‍ට කියන්නෙත් ආදරේ ///

                                                            - රූකාන්ත ගුණතිලක , චන්ද්‍රලේඛා පෙරේරා -

මගෙ හීනයෙ ලඟ ඉන්නට

මගෙ හීනයෙ ලඟ ඉන්නට
ඔබ තවමත් නැතිවාදෝ
සිත් මානයෙ දැවටෙන්නට
මගෙ උණුහුම මදිවේදෝ

ආදරේ මට නම් - ඇයි විරහ සරදම්
ජීවිතේ මම නම් - ඇයි කඳුළු මෙතරම්

නෙතු මුතු කැට වැටෙන තරම්..
හිත මත ‍දඟ කෙරුව තරම්..
උණුහුම හිත හැදුව තරම්..
රැවටුනු හැටි මා මෙතරම්..

හිත හඩන තරම්
ඔබ දන්නවනම්
තව කඳුළු දිදී...රිදවන්න..
මා දැවෙන තරම් - ඔබ දන්නෑ....

මගෙ හීනයේ...

නොමියෙන මල් මතක පෙති..
එක එක බිඳ දැමුව හැටි..
නෙතු අග තෙත් රැදුනු නිති..
මගෙ වරදම වෙන්න ඇති..

උණු සිනහ සිතින්..
ඔබ ඉන්නවනම්..
තව කඳුළු කතා...පවසන්න
මේ කදුළු මගේ - දැන් දුක නෑ.....

මගෙ හීනයේ...

                                                         - උදය ශ්‍රී වික්‍රමසිංහ -

තනිකම හුරු දෙනෙත පුරා..

තනිකම හුරු දෙනෙත පුරා..
උණු කඳුලැලි රූරා ගියා..
ඔබ නෑ නෙත් මානේ..
හමුවේවිද ආයේ...//

සිතු පැතුමක කඳුළු තියා..
මට නොකියම ඉවත ගියා..
හිමි දුක පිසදමමි කියා..
සමනලියක් තුරුළු වුනා...
මහදේ... ගලනා...
මේ දුක තාම ඔබ දන්නෙ නෑ..
මේ දුක තාම ඔබ දන්නෙ නෑ....

තනිකම හුරු දෙනෙත...//

තනිවුනු දුක මගෙම වෙලා..
දින එක දෙක ගෙවිල ගියා..
ඔබ ආවත් සිනහ වෙලා..
මගෙ හිත සනසන්න කියා...
මහදේ... ගලනා...
මේ දුක තාම ඔබ දන්නෙ නෑ..
මේ දුක තාම ඔබ දන්නෙ නෑ....

තනිකම හුරු දෙනෙත...//

                                                      - උදය ශ්‍රී වික්‍රමසිංහ -

කඳුළු පිරිලා

කඳුළු පිරිලා දෙනෙත තෙමිලා
සිනිදු හිත පෑරිලා....
ඔබම සොයලා රැයම ගෙවිලා
සිහින අවතැන් වෙලා....
හමුවන්න බෑ - ඔයා සැගවී මෙදා....
තනිවන්න බෑ මගේ - හුස්මත් ඔයා.....

රතුපාට වෙරලේ පා පොඩි තියා
පපුවේ තුරුල්ලේ සෙනෙහස උරා....
හැබැහින්ද කිව්වේ ඔබ මගේ තමා
තාමත් අතීතේ මා නැවතිලා.....

කඳුළු පිරිලා.......

යලි නොයෙන සෙනෙහේ මඟ හමුවෙලා....
මට ගැයුව ගීතේ ඔහු හා ගයා....
හිතකින්ද යන්නේ ඔබ හිනැහිලා....
තාමත් අතීතේ මා නැවතිලා.....

කඳුළු පිරිලා........

                                                       - උදය ශ්‍රී වික්‍රමසිංහ -

සෙනෙහසකට අරුතක්

සෙනෙහසකට අරුතක් පුරවන්නට
අහසේ තරු ගැන්නා.....
වෙරලේ රළ මැන්නා.....
සීමාවක් මායිමක් නැතැයි කී
සෙනෙහස ඇයි දෙතැනක තනිවී

කැකුළක් සිදුනින් හදවත පිපුණූ
කඳුලෙත් අතුමත විස තිබුණා
බිඳුනොත් බඳුනක පිළියම් කරනට
බැරි කැළලක් මතුවී පෙනෙනා.....

සෙනෙහසකට අරුතක්.....//

පවකින් පෙර අත් භවයක සිදුවූ
සිතකින් සිතකට දුක පිරුණා
මගෙ අත දිගු කළ හැකි හැම තැනදී
ඔබ අත මා දුරකින් තිබුණා.....

සෙනෙහසකට අරුතක්....//

- අසංක ප්‍රියමන්ත පීරිස් - 

නුග සෙවණක් සේ

නුග සෙවණක් සේ ඔබට
සෙවණ සදන්නම් ළඳුනි
මද පවනක් සේ ඔබට
සිසිල සදන්නම් ළඳුනි...//

ගංගාවකි මා සුනිමල්
පවසට ඉන් පැන් ලබන්න...//
මල් සුවඳකි මා වනකල්
ඒ සුවඳින් සුවඳ වන්න

නුග සෙවණක් සේ...//

සද පහනකි මා නිකැලැල්
අඳුරට ඉන් එලිය ගන්න...//
ඔරුවක් වෙමි මම සැමකල්
දිවි සයුරෙන් එතෙර වන්න

නුග සෙවනක් සේ...//

- සෝමතිලක ජයමහ -

 

සැදෑ අඳුර ලොව

සැදෑ අඳුර ලොව ගලන ‍වෙලාවට
කවුළු පියන්පත් වැසෙන වෙලාවට
දහසක් දොම්නස් සිහින පවුරු මැද
තනිවුන ඔබෙ සුසුමන් සෙමින් විත්
මගෙ සවනත පාරයි...//

තෙරක් නොමැති සිතුවිලි සයුරක් මැද
සරන විටදි රැය ගෙවෙන තුරාවට...//
මහඳ සෙනෙහෙ ඔරුවේ නැගී ඔබ
එතෙර වන්න නිඹදේ - මුළු ලොව වෙත
එතෙර වන්න නිඹදේ...

සැදෑ අඳුර ලොව...//

නිමල පැතුම් සපුරාගෙන හද තුල
සිහින ලොවින් නෙතු හැරෙන වෙලාවට...//
අරුණළු නැගෙන පැයේ හසුනක් දෙමි
ජීවින මල් ගොමුවේ - ඔබෙ ආදර
ජීවන මල් ගොමුවේ...//

සැදෑ අඳුර ලොව...//

                                                                    - සෝමතිලක ජයමහ -

මහ වරුසාවට

මහ වරුසාවට පසුව නැගෙන සඳ
වෙනදාටත් වැඩියෙන් එළියයි
නෝක්කාඩුවට පසුව ඔබේ වත
ඒ එළියට වැඩියෙන් එළියයි....//

ඇලදොල පාමුල ගොළුවුන ගීයකි
අප හදවත් බැඳි සොදුරු සෙනේ....
අද නොදකින ඔබ හෙට දකිනා තුරු
මඟ බලමින් මා සිත ලතැවේ.....

මහ වරුසාවට.....//

ඔබ මට හමුවුන මල්බර මාවත
වෙනදාටත් වැඩියෙන් සුවදයි.....
විටකදි නැගුනත් සැක බිය ශෝකය
පිවිතුරු සෙනෙහස අද උතුරයි.....

මහ වරුසාවට.....//

                                                            - සෝමතිලක ජයමහ -

සුනිල්වන් නුවන් යුග

සුනිල්වන් නුවන් යුග වසා උතුර උතුරා
ගැලූ කඳුළු ගංගාවෙ ඇය දැන් කිඳීලා
ඔබේ වරය දෙනු මැනවි තව දුක නොදීලා
හැදූ මවුණි පියතුමණි කරුණාව පාලා

මට මේක දඟ ගෙයකි දෙන වේදනාවන්
සතුටයි දුකයි කඳුල එක සේ දරා මං
සැනසී සිටින්නෙම්ද ඇගෙ දුක බලා දැන්
සුවසෙත පතා දෙන්න ආසිරි දයාවෙන්

සුනිල්වන් නුවන් යුග...

රජ දහන වැලි කතර වුව උරුම වේ නම්
මට ඈගෙ පිළිසරණ මතු වාසනාවන්
මගෙ ජීවනේ ගීයෙ ඇගෙ හඬ නොවේ නම්
හද වෙණෙහි සත්සර සදා ගොළු වුණාදෙන්

සුනිල්වන් නුවන් යුග...


                                                         - සෝමතිලක ජයමහ -

කුසුම් පිපී තුරු මතේ

කුසුම් පිපී තුරු මතේ
සුවඳ හමයි දස අතේ.... //
කෝකිල කූජනය නැගේ
ලිය ගොමු අතරේ
මධුර වසන්තේ

කුසුම් පිපී තුරු මතේ
සුවඳ හමයි දස අතේ... //

රේණු සැලේ වැලි තළේ
පෙති ගිලිහී දිය වැළේ //
ගඟබඩ තුරු වදුල තුලේ
කුරුළු ගී ඇසේ
මධුර වසන්තේ

කුසුම් පිපී තුරු මතේ
සුවඳ හමයි දස අතේ.. //

ගම්මානය කෙළවරේ
පන්සල් බිම බෝ රුකේ.. //
සිළි සළි ගා කොල නැටවේ
සම්බුදු මිහිරේ
මධුර වසන්තේ

කුසුම් පිපී තුරු මතේ
සුවඳ හමයි දස අතේ.. //

අඹ මල් පොකුරට වෙලා
ලේනෙකු ටිං ටිං කියා
මධු රස ගී ගය ගයා
අම රස වින්දේ
මධුර වසන්තේ

කුසුම් පිපී තුරු මතේ
සුවඳ හමයි දස අතේ.. //
කෝකිල කූජනය නැගේ
ලිය ගොමු අතරේ
මධුර වසන්තේ

කුසුම් පිපී තුරු මතේ
සුවඳ හමයි දස අතේ.. //


                                        - සෝමතිලක ජයමහ -

"""" සිත පරව ගියා """"

සිත පරව ගියා
වත මිලින වුණා
කඳුළින් දෑස තෙමා
ඔබ හඳුනාගනු කෙලෙසේ.... //

මොහොතක මා සිත පිනවයි
යළි මා එලෙසින් රිදවයි
මුසා බසින් මා රැවටී යාදෝ
සිතු දේ නොම වේ පැතුම් මැවේ

සිත පරව ගියා......

වසන්තයක් යළි ඒදෝ
කතරක මා තනි වේදෝ
ම සිත සොරාගෙන වෙන් වී නොයන්න
දුකෙහි සැපෙහි මා ඉන්නම්

සිත පරව ගියා..... ///

ඔබ හඳුනාගනු කෙලෙසේ..... ///


                                                       - චන්දන ලියනආරච්චි -

සඳ හාදු දිදී .....

සඳ හාදු දිදී වළාකුලට සේද යහනතේ
නිල් තාරකා කුමාරියන්ගෙ ප්‍රේම විජිතයේ//
නුඹ තාම නිදිද
නුඹ තාම නිදිද කඩුපුල් මල් දේවතාවියේ

මල් මාලතී ලතා මඩුල්ල නෙතු පියා හිඳී
මුදු මල් ගැබේ යහන් තුරුල්ල භෘංගයින්ට දී
කට කොනින්වත් හිනා නොවීම දේවතා නිදී

සඳ හාදු දිදී වළාකුලට සේද යහනතේ...

විල් තලේ රිදී රැල් නැගේවි රංගනේ යෙදී
මුදු මන්දහාස දී පිපේවි සොඳුරු කෞමදී
මට තනියි මගේ හිත පාළුයි නුඹ තවම නිදී

සඳ හාදු දිදී වළාකුලට සේද යහනතේ...


                                                           - චන්දන ලියනාරච්චි -

මෙවලම් මොකටද මෙතරම්......

මෙවලම් මොකටද මෙතරම් පැළඳුවෙ සමනලියේ
උස් අඩි පාවහන් යුගල යයි විසිරී ලොල්ලෙ
මල් පෙතිවල පාට ගෑවෙ ඇයි සියුමැලි දෙතොලේ
කොළඹ ගිහින් ඉගෙන ගත්තෙ ඕවද මගෙ කෙල්ලේ

දෙදරා ගිය ආදරයක තහංචි බැමි පවුරූ
රෝස මලක සඟවාගෙන රොන්ගෙන යති බඹරූ
හඬන්න මට ඉඩ දුන්නට යළි යළි නෙත් කඳුලූ
කඳුළු බිංදු මේ හැටි ඇයි මට විතරක් නපුරූ

මෙවලම් මොකටද මෙතරම්...

ඉකිබිඳිනා රෑ තුන්යම සිත්මල අඩ නින්දේ
සඳ මඬලට තරු යායට නොදැනයි අත වැනුවේ
උගතමනා ශිල්පය රැකගත්තට පෙම්වතියේ
නුඹෙ අතිනුයි නිර්මල පෙම් යහන බිඳී වැටුනේ.

මෙවලම් මොකටද මෙතරම්...



                                                    - චන්දන ලියනාරච්චි -

නින්ද නේන රාත්‍රියේ

නින්ද නේන රාත්‍රියේ
මේ පාළු කාන්සියේ
පායා අරුන්දතී තරුවෙන්
එන්න කාන්තියේ... //
නින්ද නේන රාත්‍රියේ.....

කුමුදු කුමාරියේ
ඔබ නිදනා යහන් තලේ
කවුළුව සමීපයේ
මම ඉන්නම් පවන් දැලේ
ඉඳුනිල් නුවන් පියා සැතපෙම්
රෑ නිසංසලේ....

නින්ද නේන රාත්‍රියේ
මේ පාළු කාන්සියේ
පායා අරුන්දතී තරුවෙන්
එන්න කාන්තියේ
නින්ද නේන රාත්‍රියේ....

අරුණෝදයේ ඔබේ
නෙතු සඟළේ කැලුම් සලා
සූරිය පෙරම්බරේ
දිනු අයුරින් සිනාසිලා
සෙනෙහේ විජිණි පතින් සනහන්
මට පවන් සලා....

නින්ද නේන රාත්‍රියේ
මේ පාළු කාන්සියේ
පායා අරුන්දතී තරුවෙන්
එන්න කාන්තියේ
නින්ද නේන රාත්‍රියේ....



                                                    - එච්.ආර්. ජෝතිපාල -

------- අවසන් ලියුමයි ඔබට ලියන්නේ -------

අවසන් ලියුමයි ඔබට ලියන්නේ
විරහ කඳුළු රැඳි පෑනෙන්
කියවා හැඩුවත් මට නම් කම් නෑ
මගෙ හිත අද තද නින්දේ
අවසන් ලියුමයි ඔබට ලියන්නේ.......

එයා පැලැන්දූ මංගල මුදුවේ
ආඩම්බර කම මම දුටිමි
ගෙල වට කරගෙන ලැමදේ ලගිනා
මංගල මාලය මම දුටිමි....


අඹරණ අන්දන රනවන ඉහිලූ
සදාතනික ආදරය නොවේ
කියවා හැඩුවත් මටනම් කම් නෑ
මගෙ හිත අද තද නින්දේ....

පෑන තවත් දේ ලියන්න කීවත්
මොනව ලියන්නද මීට වඩා
මේ ගැන අන් කිසිවෙකු නැහැ දන්නේ
වෙන දීගෙක ගිය ඔබට වඩා.....

අඹරණ අන්දන.......
අවසන් ලියුමයි.......

අදින් පසුව නෑ අප හමුවන්නේ ..........

අදින් පසුව නෑ අප හමුවන්නේ
මේ අවසන් දිනයයි...
සසර පුරා අප අත්වැල් බැඳ ආ
ගමන මෙයින් නිමවෙයි.....//

වරද මගේදැයි - වරද ඔබේදැයි
නොඅසමි ඔබගෙන් මතු දවසේ.....//
එකම මඟක යන දෙදෙනෙකු වෙමු අපි
නන්නාඳුණනා අය විලසේ..

අදින් පසුව නෑ.......

කියන්න කිසිවක් ඉතිරිව නෑ මට
සියල්ල නිමවන මේ මොහොතේ.....//
පිසින්න අවසර දෙන්න ලඳේ මට
අවසන් කඳුලක් ඔය දෙනෙතේ..

අදින් පසුව නෑ......


                                                           -  පුන්සිරි සොයිසා  -

++++ සුභාෂිණී ඔබ ++++

සුභාෂිණී ඔබ මගේ නමට එවු
ඇරයුම්පත ලැබුණා
මනාලියක වී සුභ නැකතින් හෙට
යන බව එහි තිබුණා
ඊයේ වන තුරු මට පෙම් බැන්දේ
ඔබදැයි සැක සිතුණා
ඔබේ චපලකම හඳුණාගන්නට
සිව් වසරක් ගෙවුණා

යාළු මිතුරු කැල ඔබ ගැන කී දෙය
ගැන නෑ මා සිතුවේ
පාළු සිතට මගෙ එළියක් ඔබගෙන්
ලැබගන්නයි පැතුවේ
ලෝකය එරෙහිව ආවත් මා හැර
නොයන බවයි කීවේ
ප්‍රේමය පිවිතුරු බව පෙම් හසුනක
ඔබමයි මට ලීවේ

සුභාෂිණී ඔබ මගේ නමට එවු
ඇරයුම්පත ලැබුණා
මනාලියක වී සුභ නැකතින් හෙට
යන බව එහි තිබුණා

මංගල දිනයට ඇරයුම් කෙරුවත්
කෙළෙසද මා එන්නේ
පෙම් කල සිතකට වෛර කරන්නට
සිත නෑ ඉඩ දෙන්නේ
සිතට වහල් වී මා හැර යන මුත්
නෑ දොස් පවරන්නේ
ඔබ වැනි ළඳකට පෙම් කල මා ගැන
මම අද දුක්වෙන්නේ

සුභාෂිණී ඔබ මගේ නමට එවු
ඇරයුම්පත ලැබුණා
මනාලියක වී සුභ නැකතින් හෙට
යන බව එහි තිබුණා
ඊයේ වන තුරු මට පෙම් බැන්දේ
ඔබදැයි සැක සිතුණා
ඔබේ චපලකම හඳුණාගන්නට
සිව් වසරක් ගෙවුණා


                                                     - පුන්සිරි සොයිසා -

-

“““ බිඳුණු කලක...... “““

බිඳුණු කලක අමතක කල නොහැකි නම් සිතින්
බිඳෙන බඳුන් කුමකට සුරකිම්ද ආදරෙන්.... //

මදහස පෑ දෑස හිත හඬවා
යන්න යාවිනම්.... //
කඳුලේ රිදුමෙන්
සොයමි රස හැඟුම්
කුමට සුබ පැතුම්

බිඳුණු කලක...

වැටහෙන්නෙ නෑ වින්ද දුක රුදුරු
නිමා වී නැතී ....//
ගිලිහී ගියදෙන්
පෙමට දුන් රිදුම්
බිඳුණු පෙම් පැතුම්

බිඳුණු කලක... ///


                                          - පුන්සිරි සොයිසා -

පිණි වැටෙනා මල් යායේ....

පිණි වැටෙනා මල් යායේ
පාවී යයි සුනිල් වලා
බොඳ මීදුම් කඳු අතරේ
ඔබව සොයා මා එන්නේ

නිල්වන් දෑසින් මා මත් කරනා
සුන්දර අරුණැල්ලේ
රන්වන් සමනල තටු සලමින් යන
ඔබ වෙත මා එන්නේ

පිණි වැටෙනා මල් යායේ
පාවී යයි සුනිල් වලා


එකම ඉසව්වක බැඳී සිටින සඳ
හමුවන්නට නොහැකිය ළතැවී
සිත රැඳි පැතුමන් පොදි බැඳ එන අද
ඔබට කියන්නට ප්‍රිය ළඳුනේ

නිල්වන් දෑසින් මා මත් කරනා
සුන්දර අරුණැල්ලේ
රන්වන් සමනල තටු සලමින් යන
ඔබ වෙත මා එන්නේ

පිණි වැටෙනා මල් යායේ
පාවී යයි සුනිල් වලා
බොඳ මීදුම් කඳු අතරේ
ඔබව සොයා මා එන්නේ


අපේ ලොවක තනි වෙන්නට පැතුමන්
කොතරම් පිරුණත් වරම් නැතේ
බාධක හමුවේ නොසැලී ඉමු අපි
භවය පුරා පෙම්වතුන් ලෙසේ

නිල්වන් දෑසින් මා මත් කරනා
සුන්දර අරුණැල්ලේ
රන්වන් සමනල තටු සලමින් යන
ඔබ වෙත මා එන්නේ

පිණි වැටෙනා මල් යායේ
පාවී යයි සුනිල් වලා
බොඳ මීදුම් කඳු අතරේ
ඔබව සොයා මා එන්නේ


                                                - ප්‍රින්ස් උදය ප්‍රියන්ත -

මානෙල් මල සේ...

මානෙල් මල සේ ආයේ පිපී
කෝ ලඳුනේ පෙම් සිනා..//
අඳුරේ පාවී - කඳුලේ යාවී..
මා මනසේ ආදරේ වේදනා..

මානෙල් මල සේ ආයේ පිපී
කෝ ලඳුනේ පෙම් සිනා....//

දෙනෙතේ ආයාචනා..
සුළඟේ සුන්වී ගියා....//
ඒ මල් පැතුම් - ආලේ වදන්....
මේ මාවතේ රාත්‍රියේ රැව් රැදේ....

මානෙල් මල සේ....//

පෙරසේ ආරාධනා
රාවේ නෑසී ගියා.....//
නාමල් පිපී නාඩන් ඉතින්
මාගේ පැතුම් සවනතේ කොඳුරලා

මානෙල් මල සේ....//
                                        
                                             -  මර්වින් මිහිඳුකුල  -

ගුරු පාර දිගට

ගුරු පාර දිගට තරු හිනැහෙන රැයේ
පැතු හීන හිනාවෝ - දුර ඈත ගියාදෝ
තනිකමේ කවිය කාට ඇසේදෝ...........

අඳුරට මග අහුරා - සඳ සළු පිළි පළඳා
ගැල් මඟ එළිය කළත් රැයේ
හැම දහ දුක් උහුලා - හිමිදිරියෙම ඉදලා
දහදිය උකසට දුන් දිනේ
අපෙ හිතේ දුකට එළිය නිවයි බරබාගේ..........

සුදු මල් ඔසරිය හා මුතුපොට ගැන සිතලා
මැණිකේ මඟ බලනා වෙලේ
ඒ සිහිනය සිඳලා හිස් දෑතම විහිදා
වයිරෝ ගෙදර යමුද කෙසේ
අපි අඬන විටත් කැකුළු පිපෙයි හඳපානේ............


                                                               - අතුල අධිකාරී -

''' නිල් නුවන් පියවිලා '''

නිල් නුවන් පියවිලා ‍රෑක ගණඳුරේ
නිදි ලොවේ මා සොයා එන්න දේව් ලියේ
හදවතේ ‍රැඳී ගත ළගින් හිඳී
අවදි නොවී ඉන්නම් මා යහන් තලාවේ
නිල් නුවන් පියවිලා ‍රෑක ගණඳුරේ
නිදි ලොවේ මා සොයා එන්න දේව් ලියේ

සෝ තැවුල් නිවා දමන්න මද හසින් බලා
දැනී සිතට ඔබේ තෙපුල් මිහිරි ගීතිකා
ඈත මං තලේ දුරක පාවෙලා
ඉන්න හැකිද පෙරුම් පුරා මතකේ රන්දා

නිල් නුවන් පියවිලා ‍රෑක ගණඳුරේ...

ඇඟිලි තුඩින් ලියා එවන කුරුටු මල් ලතා
සිහින ලොවක මා කැඳවා යයි නිමක් නොවේ
ඈත මං තලේ දුරක පාවෙලා
ඉන්න හැකිද පෙරුම් පුරා මතකේ රන්දා

නිල් නුවන් පියවිලා ‍රෑක ගණඳුරේ...


                                                       - අතුල ශ්‍රී ගමගේ -

හිත අස්සට හීන ගොඩක්

හිත අස්සට හීන ගොඩක් ගෙනල්ලා දුන්නු
ඔය ඇස් දෙක අමතක කර හිඳින්නෙ කොහොම
සුළඟ වගෙ මා අතහැර දුරක යන්නට
වරද මගෙ රත්තරනෙ කියලා දෙන්න

කඳුලක් කඳුලක් ගානෙ පෙම දියකරලා
සුසුමක් ගානෙ හදවත දුක් ගිනි අවුලා
අමතක කරලන්නට බෑ මට නම් කිසිදා
ආදරේ කියා දුන්න ආදරි ඔයා

දැවුණත් දැවුණත් මියගිය පෙම සිහිකරලා
සුවඳක්වත් නෑ මතකයෙ අදනම් රැඳිලා
අමතක කරලන්නට බෑ මටනම් කිසිදා
ජීවිතේ කියා දුන්නු ආදරී ඔයා

හිත අස්සට හීන ගොඩක් ගෙනල්ලා දුන්නු...


                                                     - අතුල අධිකාරි -

හද හඬලා සිත බිඳිලා

හද හඬලා සිත බිඳිලා
හද බිඳිලා හඬලා පෙරදා
ගංගා තෙරේ
අප හමු වූ අප තෙපලූ
අප හමු වූ තෙපලූ වෙන්වූ
ගං තීරේ මේ
මා හැඬවූ මා සැනසූ
මා තනි වූ ගංගාව මේ

හද හඬලා සිත බිඳිලා
හද බිඳිලා හඬලා
පෙරදා ගංගා තෙරේ

ඇයට පුදකලේ නිමල ආදරෙයි
ඇය පැතුවේ සුරංගනා ලොවයි
අව්වේ දැවුනේ වැස්සේ තෙමුනේ
හදේහී සෙනේහේ තමයි

ඇයට පුදකලේ නිමල ආදරෙයි
ඇය පැතුවේ සුරංගනා ලොවයි
අව්වේ දැවුනේ වැස්සේ තෙමුනේ
මාගේ සෙනේහේ තමයි

හද හඬලා සිත බිඳිලා
හද බිඳිලා හඬලා පෙරදා
ගංගා තෙරේ

කසුන් විමන් නැතත් ඔයා ලඟින් ඉමී
මගේ ලොවේ රජුන් ඔබයි නිරන්තරේ
පැවසූ කතාවන් සැනසූ ලතාවන්
මාගේ හදේහී තියේ

කසුන් විමන් නැතත් ඔයා ලඟින් ඉමී
මගේ ලොවේ රජුන් ඔබයි නිරන්තරේ
පැවසූ කතාවන් සැනසූ ලතාවන්
හද වේදනාවන් ගෙනේ

හද හඬලා සිත බිඳිලා
හද බිඳිලා හඬලා පෙරදා
ගංගා තෙරේ
අප හමු වූ අප තෙපලූ
අප හමු වූ තෙපලූ වෙන්වූ
ගං තීරේ මේ
මා හැඬවූ මා සැනසූ
මා තනි වූ ගංගාව මේ

හද හඬලා සිත බිඳිලා
හද බිඳිලා හඬලා
පෙරදා ගංගා තෙරේ


                                            - අතුල අධිකාරි -



 

රොන් පොදක් වෙන්නම්

රොන් පොදක් වෙන්නම්
හිනැහෙන මල් මිටක් මැද්දේ
රන් පතක් වෙන්නම්
දිදුලන විල් තෙරක් මැද්දේ
නිම්නයක් වෙන්නම්
සුව දෙන කඳු පෙළක් මැද්දේ
පෙම්වතෙක් වෙන්නම්
සනසන නිල් දෙනෙත් මැද්දේ.....

කන් කළුයි ඔබෙ සිනා
සිත් පිනයි ඔබෙ කතා
මේ නිමාව දුන්නේ
කාගේ කවුරුදෝ
නෙත් වශී කරයි ඔයා
පෙම් ලොවක් මවයි මනා
සත්තකින්ම දෙව් දුවක්ද සැංගෙනා

රොන් පොදක් වෙන්නම්...

සාගරේ කළඹා
මුතු ඇට මාලයක් තනනා
පාවෙලා යමිනා
තරුකැට පේළියක් ගෙනෙනා
සැනසෙනා ලෙසිනා
සඳ මත මල් උයන් මවනා
යම් දිනක් මැවෙනා
ඔබ මට ආදරෙයි කියනා

රොන් පොදක් වෙන්නම්... 

                                                 - අතුල අධිකාරි -

බෝ මළුවේ මල් සුවඳක පැටලී

බෝ මළුවේ මල් සුවඳක පැටලී
අම්මා පෙව් කිරි සුවඳ ගලා එන්නේ
සුපුරුඳු උණුහුමකට සිත ඈඳී
ගේ දොර සෙල්ලම් පිටිය මතක් වෙන්නේ
දං බෝවිටියා කැලේ මැදින්
එන්න හිතයි නුඹ ළඟට සැණින්

එතෙර කරන්නම් හතර වරිගයම
සංසාරේ යන මේ ගමනේ
චුට්ටක් සෙල්ලම් කරලා එන්නද
පුරුඳු යහළුවන් හා සැණිනේ
එහෙම ගියත් ඒ අය පොඩි සාදූ
කියා කියන විට වැඳ වැටිලා
කොහොමද අම්මේ ඔට්ටු දුවන්නේ
වෙල් ඉපනැල්ලේ පැණ නටලා

භවයෙන් භවයේ පෙරුම් පුරා මම
භවුන් වඩා උපදින වාරේ
දිනයක මතුදා හතර වරිගයම
එතෙර කරන්නම් සංසාරේ
ඉන් පසු ඇවිදින් අම්මේ ඔබ ළඟ
ඉන්නම් කිරි සුවඳේ එතිලා
කොහොම ද අම්මේ එහෙම කරන්නේ
අම්මත් සසරෙන් එතෙර වෙලා

- සනත් නන්දසිරි -

මොරසූරණ වැසි

මොරසූරණ වැසි ඇදගෙන හැළුනා
මට මතකයි සමුගත් දිනයේ
මා සිතුවේ නැ ලොව ‍හැර යන්නට
අවිහිංසක නුඹ සිතයි කියා..//


නිමල ආදරේ අවිහිංසක බව
ලෝකය නැ දැනගෙන උන්නේ
මාරුතයක් ඇවිදින් ඒ සුළඟේ
ඔබ අරගෙන ඈතට යනවා

මොරසූරණ වැසි...

තරු නෙතු සඟවා ඔබ සැතපෙනවා
හැඬූ නමුදු ඉන් නොමැත පලේ
වත මල සිඹලා මම සමුගන්නෙමි
හෙට හමුවෙමු අපි අපේ ලොවේ

මොරසූරණ වැසි...//

 - ආත්මා ලියනගේ -

සිංහල සිංදු කියන

සිංහල සිංදු කියන
නළලේ තිලක තියන කිරිල්ලී...
තුඩින් හදවතක් අරගෙන
ගිණිගත් තල් අරඹට ආවාදෝ ඉගිල්ලී...

දිව නුහුරු බසින් පෙම් කවි කී
කුරුල්ලාට වශීවී..
ගිනි මලින් තැනූ මල් පොකුරක්
අතට ගත්ත මනාලී..
මධුසමේ මධුර කටු අතරේ
පිපී වැනුන සුරූපී...


ගිනි අවිත් එක්ක පෙමින් බැදුනු
විහඟ සෙනග අඩාවී..
ඒ කදුළු සිංහලට නගන්න
නුඹට හැකිය ප්‍රියාවී..
ආදරය නුඹට බාරයි
රැකගනින් දේවතාවී..

වැටෙන් එහා මල් පඳුරේ

වැටෙන් එහා මල් පඳුරේ
ඔබ පිපී වැනේ අත නුදුරේ..
මිලින වුනත් ඝණ අඳුරේ..
මල් නෙලන්න නම් තහනම්.....
මල් නෙලන්න නම් තහනම්.....

සුවඳ ඇදෙයි මුළු ලොවට හොරෙන්
නොවසා ඇති දොර කවුළු තුලින්..
සුවඳ දිඳී තිබුණත් මිදුලේ..
මල් නෙලන්න නම් තහනම්.....
මල් නෙලන්න නම් තහනම්.....

තෙමුනත් දෙකොපුල් උණු කඳුලින්
ඇසුනත් කෙදිරිය මෘදු මුවගින්..
පිපුනු නිසා අන්සතු උයනේ...
මල් නෙලන්න නම් තහනම්.....
මල් නෙලන්න නම් තහනම්.....

හඳ පානක් සේ ඇවිදින්....

හඳ පානක් සේ ඇවිදින් ගම්මානෙන් මේ නගරෙට
ගංගාවක් තරමට සිහිලස පිදුවයි නුඹ මා හට
නෙත් දාහක් පසු කර විත් මට හිමි දෙනුවන දුටු විට
හඳ පානක් වූයේ නුඹ නොවෙදෝ මා සිත් අහසට.....

දූවිලි හුළඟින් පිරුණත් ඉපදුන නගරේ
මට නුපුරුදු ගමට එන්න බෑ - මේ නගරය අත්හරින්න බෑ
මගෙ උරුමය රැඳුනත් මා ලද ගම් පියසේ
මේ නගරයේ කූඩු වෙන්න බෑ - ගම්මානය අත්හරින්න බෑ

අප දෙන්නා මුණ ගැස්වූ මේ මහ නගරේ
අතැර නුඹට ගමට යන්න බෑ - මේ නගරය අත්හරින්න බෑ
මගේ සිතෙන් නුඹ සිතනා මතු යම් දවසේ
මේ නගරේ පාළු වෙන්නෙ නෑ - මං තනියෙන් ගමට යන්නෙ නෑ

හඳ පානක් සේ ඇවිදින් ගම්මානෙන් මේ නගරෙට
ගංගාවක් තරමට සිහිලස පිදුවයි නුඹ මා හට
නෙත් දාහක් පසු කර විත් මට හිමි දෙනුවන දුටු විට
හඳ පානක් වූයේ නුඹ නොවෙදෝ මා සිත් අහසට.....